Uppskriftir að Indverskum mat

NÝIR KJÚKLINGAVÆNGIR

Thu, 09 Jan 2020 17:11:57 GMT

TVÆR TÝPUR AF VÆNGJUM

Gömlu góðu beinlausu kjúklingavængirnir eru komnir aftur með smá tvisti: Nýjum, léttari kryddhjúp.

Við kynnum einnig til leiks klassíska vængi á beini, bæði trommukjuða og flata vængi.

Við gerum einnig smá breytingar á skammtastærðum og verðum. Lítill skammtur af vængjum er núna 8 stykki í heildina, 4x beinlausir og 4x klassískir. Lítill skammtur kostar núna 1.400 kr. Stór skammtur af vængju er 16 stykki (8x beinlausir og 8x klassískir) og kostar 2.400 kr.

Við bjóðum einnig upp á að uppfæra vængi í bara beinlausa fyrir +100 kr. í litlum skammti og +200 kr. í stórum skammti. Einnig er hægt að fá bara klassíska vængi á sama verði.

KJÚKLINGA SAAG FRÁ NORÐUR INDLANDI

Wed, 20 Nov 2019 09:43:14 GMT

Hollur og góður kjúklingaréttur

FYRIR 4

Undirbúningur

1. Taktu saman heilu kryddin

Opnaðu þessi krydd með mortél eða milli skeiða:

1 teskeið broddkúmen (cumin) fræ
4 stk svört piparkorn
1 teskeið kóríander fræ
2 stk negull
1 stk græn kardimomma

Hafðu þessi krydd heil:

1 stk lítil kanilstöng
1 stk stórt lárviðarlauf

2. Taktu saman möluðu kryddin

Fyrir spínatið:

2 teskeiðar malaður svartur pipar
1/2 teskeið salt

Fyrir réttinn:

1/2 teskeið túrmerik
1,5 teskeið garam masala
1/2 teskeið kóríander malað
1/2 teskeið sykur
Salt eftir smekk

Blandaðu kryddblöndunni fyrir réttinn í matskeið af vatni.

3. Gerðu grænmetið tilbúið

300 gr spínati
1 miðlungs laukur skorinn fínt
4 geirar af hvítlauk maukaðir (eða skornir mjög fínt)
2 teskeiðar af engifer maukuðu (eða skorið mjög fínt)

4. Hafðu restina tilbúna við hendina

2L vatn
1/2 bolli rjómi (eða sambærileg vegan vara)
1 matskeið sítrónusafi
1/2 bolli (40-50ml) af tómatmauk

5. Gerðu kjúklinginn tilbúinn

500 gr (einn skammtur) af marineruðum kjúkling (má vera bringu- eða lærakjöt)

Sjá uppskriftina okkar að því hvernig megi undirbúa kjúklinginn .

Aðferð við að elda spínatið

1. Settu spínatið út í kalt vatn með svarta piparnum og saltinu.

Náðu upp suðu og leyfðu að sjóða á lágum hita í 10 mínútur.

2. Skolaðu soðið spínatið með köldu vatni.

Þetta gerir það að verkum að græni liturinn í spínatinu haldist betur í réttinum.

3. Blandaðu spínatið með rjómanum (eða sambærilegri vegan vöru) í blandara/töfrasprota.

Það er ekki þörf á að mauka spínatið alveg niður. Þú ræður dáldið áferðinni með því hversu mikið þú maukar.

4. Geymdu blönduna til hliðar þar til seinna.

Aðferð við að gera réttinn

1. Hitaðu olíuna upp á háum hita og lækkaðu svo hitann niður í miðlungs hita.

2. Bættu heilu kryddunum út í olíuna.

Þegar kryddin byrja að poppa (crackling) þá eru þau tilbúin. Gott er að hreyfa örlítið í kryddunum með þau eldast til að forðast bruna.

3. Bættu við lauknum og sykrinum og eldaðu þar til laukurinn er karamellu brúnn.

Að setja sykur flýtir fyrir því að brúna laukinn. Ef þú vilt sleppa sykrinum þá þarftu að elda laukinn lengur. Muna að hræra af og til í lauknum til að forðast bruna og að hann festist við pönnuna.

4. Bættu við hvítlauk og engifer og steiktu í 1 mín á meðan þú hrærir vel í.

5. Bættu við möluðu kryddunum og hrærðu vel.

Hér viltu horfa á kryddin drekka í sig olíuna og svo sleppa henni lítilega aftur út þegar þau eru tilbúin.

6. Bættu við tómatmaukinu og saltinu (eftir smekk) og eldaðu í 3-4 mín.

7. Bættu við spínatmaukinu sem þú gerðir áður og eldaðu í aðrar 2-3 mín.

8. Bættu við kjúklingnum og sítrónusafanum og leyfðu réttinum að byrja að sjóða.

9. Leyfðu réttinum að kólna örlítið eftir að suða næst og bættu svo við rjómanum.

10. Hækkaðu hitann aftur í háan hita í hrærðu í blöndunni í 2 mín.

11. (Valkvæmt) Bættu við smá smjörklípu og matskeið af rjóma á hvern disk og leyfðu því að bráðna yfir.

KÚMEN HRÍSGRJÓN

Wed, 20 Nov 2019 09:13:57 GMT

Fullkomið meðlæti með hvaða rétti

Undirbúningur

1. Taktu til hrísgrjónin

Hálfur bolli af löngum hrísgrjónum. (Indversk heimili mæla oft eina lúku af hrísgrjónum á mann.)

2. Hreinsaðu hrísgrjónin með vatni þar til hvíti liturinn er farinn úr vatninu

3. Bættu við vatni í pott

Gott er að miða við sirka tvöfallt magn af vatni á móti hrísgrjónum.

4. Bættu við broddkúmen fræum og ólívuolíu í vatnið

1,5 teskeið af broddkúmen (cumin) fræum
1 matskeið olívuolía

Aðferð

1. Hitaðu vatnið með kryddinu og olíunni þar til suða kemur upp

2. Bættu hrísgrjónunum við og eldaðu í 10-12 mínútur (fylgdu viðmiðinu á hrísgrjónapakkanum)

TIKKA MASALA

Thu, 14 Nov 2019 13:32:23 GMT

Tikka Masala sósa

FYRIR 4

Undirbúningur

1. Taktu saman heilu kryddin og skiptu upp í tvennt

Fyrir sósuna:

1 stk grænar kardimommur
2 stk negull
1 stk svört kardimomma
2 stk svört piparkorn
1 stk lítil kanilstöng

Fyrir réttinn:

    1 stk grænar kardimommur
    1 stk negull
    1 stk svört kardimomma
    1 stk svört piparkorn
    1/2 stk stjörnuanís

2. Taktu saman möluðu kryddin

1 teskeið malaður kóríander
1 teskeið garam masala
1/2 teskeið malað túrmerik
1 teskeið malað rautt chili (eða eftir smekk)

3. Gerðu grænmetið tilbúið

2 hvítlauksgeirar flysjaðir
2cm ferskur engifer, flysjað og skorið smátt
1 rífleg matskeið af skornum ferskum kóríander (til að skreyta!)
1 stk lítill laukur skorinn í lengjur
50 gr kasjú hnetur
1 skammtur af grilluðum lauk og papriku

4. Hafðu restina tilbúna við hendina

2 matskeiðar grænmetisolía (steikingarolía) fyrir sósuna
2 matskeiðar grænmetisolía (steikingarolía) fyrir réttinn
100 gr saltað smjör fyrir sósuna
100 gr saltað smjör fyrir réttinn
200 ml tómatpúrra
1 matskeið sítrónusafi
100 ml rjómi
1 matskeið sykur

5. Gerðu kjúklinginn tilbúinn

1-2 skammtar af marineruðum kjúkling

Aðferð við að gera sósu

1. Hitaðu olíuna og smjörið í pönnu á miðlungs hita

2. Bættu við heilum kryddum fyrir sósuna

Hér viltu hlusta eftir því þegar kryddin byrja að poppa (crackling). Gott er að hreyfa orlítið við þeim meðan þau hitna.

3. Bættu við litla lauknum (skorinn í lengjur) og sykrinum

Sykurinn hjálpar lauknum að brúnast. Ef þú vilt sleppa sykri, þá þarf að elda laukinn lengur. Gott er að hreyfa aðeins við lauknum til að koma í veg fyrir að hann brenni.

4. Bættu við hvítlauknum og engiferinu og steiktu í um 1 mín

5. Bættu við möluðu kryddunum og hrærðu vel í um 5 mín

Þegar kryddin eru vel elduð og blönduð við ferðu að taka eftir góðri lykt!

6. Bættu við tómatpúrra og sítrónusafa og eldaðu í aðrar 2 mín

7. Bættu við kasjúhnetum og eldaðu í aðrar 5 mín

8. Taktu sósuna af hita og leyfðu að kólna og blandaðu hana svo saman í blandara eða með töfrasprota

Ef þú vilt forðast að nota blandara/töfrasprota þá getur þú sleppt kasjúhnetunum eða búið til kasjúhnetumauk . Þá mælum við líka með því að týna heilu kryddin úr sósunni nema þú sért einstaklega ævintýragjarn/gjörn.

9. Leggðu sósuna til hliðar í skál

Aðferð við að gera réttinn

1. Í sömu pönnu bættu við smjöri og grænmetisolíu og hitaðu á miðlungs hita

2. Bættu heilum kryddum fyrir réttinn þegar smjörið er bráðið

Hér viltu aftur hlusta eftir því þegar kryddin fara að poppa. Hreyfa aðeins við þeim til að forðast bruna.

3. Bættu við Tikka Masala sósunni

Hér má líka salta eftir smekk.

4. Bættu við kjúklingnum eftir eldun í ofni

Hér er uppskriftin okkar að marineruðum kjúkling.

5. Bættu við skorna lauknum og paprikunni, rjómanum og smjörinu. Hrærðu þar til smjörið er bráðnað.

Gott er að smakka sósuna aðeins til og bæta við þeim kryddum sem þér finnst vanta.

6. Berðu fram með heitt og með ferska kóríanderinn sem skraut.

GRILLAÐUR LAUKUR OG PAPRIKA

Thu, 14 Nov 2019 13:05:01 GMT

Klassísk blanda sem passar með flestum réttum

Undirbúningur og aðferð

1. Taktu saman hráefnin

1 miðlungs laukur skorinn í teninga (má nota rauðlauk líka)
1 paprika skorin í teninga

2. Settu hráefnin í eldfast form með smá olíu yfir

3. Hitaðu í 200°C heitum ofni á grill/yfirhita

Þú getur leikið þér með litinn á paprikunni og tegund af lauknum!

KASJÚHNETUMAUK

Thu, 14 Nov 2019 12:56:01 GMT

Þykktu hvaða rétt sem er og bættu við góðu bragði

Undirbúningur og aðferð

1. Taktu saman hráefnin

100 gr af kasjúhnetum

140 ml af vatni

2. Blandaðu hráefnum saman í blandara

Byrjaðu á að setja helminginn af vatninu og bættu svo við þar til þykkleikinn sem þú vilt er kominn fram.

INDVERSK KJÚKLINGA MARINERING

Thu, 14 Nov 2019 11:16:05 GMT

Gefðu kjúklingnum betra bragð

FYRIR: 2

Magn:

500 gr kjúklingabringur án beina (700 gr með beinum)
50 gr grísk jógúrt
2 matskeiðar ólívuolía
2 matskeiðar hvítlauks- og engifermauk
1 matskeið Dijon hunangssinnep
1 teskeið rauður chili malað (duft)
1,5 teskeið garam masala
1 teskeið kóríander malað (duft)

Aðferð við undirbúning:

Skerðu kjúklinginn í minni bita og skerðu litlar rifur í hvern bita (eða stinga smá göt á bitana).
Blandaðu öllum hráefnum saman í lokanlegum poka (eða í skál og helltu yfir í pokann).
Lokaðu pokanum og geymdu í kæli í minnst 1 klukkustund og mest 24 klukkustundir.

Aðgerð við eldun:

Forhitaðu ofninn í 200 gráður (180 gráður á blæstri) en við mælum með stillingu sem leyfir smá grillun/yfirhita.
Settu kjúklinginn í form eða á bakka sem leyfir hverju stykki að fá nægt pláss.
Bakaðu kjúklinginn í ofni í 18-20 mínútur.

HVÍTLAUKS- OG ENGIFERMAUK

Thu, 14 Nov 2019 11:08:56 GMT

Undirstaða í indverskri matargerð

FYRIR 2

Magn:

60 gr hvítlaukur (flysjaður)
40 gr engifer (flysjað)
Vatn

Aðferð:

Setjið hráefnin í blandara og blandið saman.
Byrjaðu með lítið magn af vatni og bættu svo við eftir þörfum. Niðurstaðan á að vera vel maukuð blanda með smá vatni.